Варанцова дача — сядзіба канцлера Міхаіла Варанцова на Пецяргофскай дарозе пад Санкт-Пецярбургам, сучасны адрас — вуліца Чэкістаў, 13. Заснавана ў 1720-х, цяперашняе аблічча сфармавалася ў выніку некалькіх рэканструкцый 1750-х, 1880-х і 1960-х гадоў. Адзін з нешматлікіх захаваных прыкладаў загараднай сядзібы лізавецінскага барока, з новымі для Расіі элементамі класіцызму. Ансамбль сядзібы ўключае ў сябе галоўны дом — трохпавярховы палац з бельведэрам, «гатычны дом», пейзажны парк і сажалкі. Сядзібны парк цягнецца ўздоўж Пецяргофскай шашы.