Вандалін Пуслоўскі (1814 — 1884[1]) — шляхціц роду Пуслоўскіх. Уладальнік Косава Слонімскага павета, дзе збудаваў палац. Калекцыянер, аматар мастацтваў, нумізмат, цікавіўся архітэктурай і археалогіяй.
Быў сынам Войцеха Пуслоўскага і Юзефы з Друцкіх-Любецкіх, меў старэйшага брата Францыска Ксаверыя (1806—1874). Між іншым, атрымаў у спадчыну ад бацькі маёнтак Дворышча[2][3].
Пабудаваў фабрыку сукна ў Хомску[4]. Гэта была першая фабрыка з паравым рухавіком на Палессі.
У Косаве з яго ініцыятывы пабудаваны ў 1838 годзе неагатычны палац праекту Францішка Яшчалда.
Пасля смерці брата Францішка Ксаверыя Пуслоўскага валодаў Крулікарняй.
З жонкай Ядзвігай з Язерскіх мелі дачку Марту (1859—1943, у шлюбе Красіньская), яка большасць жыцця правяла ў Варшаве. Памерла ў эміграцыі ў Ніцы[5].