У Вікіпедыі ёсць артыкулы пра іншых асоб з прозвішчам Герасімаў.
Валянці́н Васі́льевіч Гера́сімаў (1938, г. Варонеж, Расія — 20 мая 2016) — беларускі дзяржаўны дзеяч, 1-ы міністр паліва і энергетыкі Рэспублікі Беларусь (1992—1997), кандыдат тэхнічных навук (1993).
У 1991-1992 — начальнік Беларускага тэрытарыяльнага энергетычнага аб’яднання.
16 студзеня 1992 года быў прызначаны Міністрам энергетыкі Рэспублікі Беларусь.[1] 14 сакавіка 1994 Міністэрства было скасавана[2] і на яго базе было ўтворана Міністэрства паліва і энергетыкі Рэспублікі Беларусь.
3 снежня 1994 года быў зацверджаны на пасадзе Міністра паліва і энергетыкі Рэспублікі Беларусь.[3]
11 чэрвеня 1997 года быў вызвалены ад пасады Міністра[4] і прызначаны выконваючым абавязкі прэзідэнта Беларускага дзяржаўнага энергетычнага канцэрна[5], а 20 снежня 1997 года быў зацверджаны на гэтай пасадзе.[6]
4 мая 2000 года выйшаў на пенсію.[7]
У якасці эксперта ўдзельнічаў у рабоце секцыі экспертнага савета па энергетыцы і энергаэфектыўнасці пры Савеце Міністраў Рэспублікі Беларусь.[8]
Заслужаны энергетык БССР.