Валянціна Сямёнаўна Вачынская (12 студзеня 1922, в. Бацюты, зараз Падляскае ваяводства — 16 лютага 1985) — Герой Сацыялістычнай Працы (1972)[1].
З 1949 года ў калгасе «Расія» Гродзенскага раёна: палявод, з 1957 года загадчыца вытворчым участкам, з 1976 года брыгадзір паляводчай брыгады вучэбна-вопытнай гаспадаркі «Прынёманскі» Гродзенскага сельскагаспадарчага інстытута. Званне Героя прысвоена за поспехі ў павелічэнні вытворчасці і продажу дзяржаве прадуктаў земляробства[1].
Дэпутат Вярхоўнага Савета БССР у 1963-1971 гадах[1].
Узнагароджана двума ордэнамі Леніна (1960, 1972), ордэнам «Знак Пашаны» (1957)[2].
Імем В. С. Вачынскай названая вуліца ў вёсцы Путрышкі Гродзенскага раёна[2].