Валерый Георгіевіч Кескевіч
У Вікіпедыі ёсць артыкулы пра іншых асоб з прозвішчам Кескевіч. Валерый Георгіевіч Кеске́віч (нар. 19 жніўня 1951, Брэст — верасень 2016) — беларускі архітэктар.
Біяграфія
Скончыў у 1973 годзе Брэсцкі інжынерна-будаўнічы інстытут. У 1973 годзе працаваў у Гродзенскім філіяле інстытута «Белкалгаспраект», з 1974 года ў інстытуце «Брэстграмадзянпраект» (з 1986 года галоўны архітэктар праектаў)[1]. З 1994 г. кіраўнік персанальнай творчай майстэрні. З 1997 г. галоўны архітэктар праектаў у інстытуце «Брэстпраект».
Творчасць
Асноўныя работы (усе ў Брэсце): комплекс гаражоў аблвыканкама па вуліцы Герояў абароны Брэсцкай Крэпасці (1978, у сааўтарстве), будынак выдавецтва газеты «Зара» (1984, у сааўт.), жылы дом на бульвары Касманаўтаў (1985, у сааўт.), Брэсцкі аэравакзал (1986, у сааўт., Дзяржаўная прэмія БССР 1988)[1], гандлёвы цэнтр «Кантыненталь» (1997), комплекс жылых 5-ці павярховых дамоў па вул. Фруктовай (2000)[2], Брэсцкі лядовы палац (2000)[3], гандлёва-забаўляльны цэнтр па вул. 28 ліпеня (2001)[2], Брэсцкі лёгкаатлетычны манеж (2003)[4], спартыўны комплекс «Вікторыя» (2005), Цэнтр вяслярных відаў спорту (2007), будынак сярдняй школы № 1 (2011), рэканструкцыя Брэсцкага тэатра лялек і інш[2].
Узнагароды
3 1975 удзельнічае ва ўсесаюзных і міжнародных архітэктурных конкурсах. Лаўрэат міжнароднага конкурсу ЮНЕСКА і Міжнароднага саюза архітэктараў «Жыллё — заўтра» (1984)[1].
На 11-м Рэспубліканскім аглядзе-конкурсе на лепшы архітэктурны твор года праца «Універсальны спартыўны комплекс гульнявых відаў спорту на 5000 месцаў у г. Брэсце» была прызнана лепшым праектам года. Праект рэканструкцыі Брэсцкага тэатра лялек атрымаў ад міжнароднага журы 14-га Рэспубліканскага конкурсу лепшых архітэктурных праектаў 2008—2009 гадоў першае месца ў намінацыі «Рэканструкцыя»[2].
Зноскі
- 1 2 3 Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- 1 2 3 4 ВАЛЕРЫЙ ГЕОРГІЕВІЧ КЯСКЕВІЧ
- ↑ Брестский ледовый дворец // Республика Беларусь: Энциклопедия в 6 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).
- ↑ Брестский легкоатлетический манеж // Республика Беларусь: Энциклопедия в 6 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).
Літаратура
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Кяскевіч Валерый Георгіевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі. — Т. 4. — 3 000 экз. — ISBN 978-985-11-0495-2.
- Кескевич Валерий Георгиевич // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2009. — Т. 1. Брестская область. В 2 кн. Книга 1. Абрамов — Куфко. — 519 с. — 2 500 экз. — ISBN 978-985-11-0464-8.
- Кескевич Валерий Георгиевич // Республика Беларусь: Энциклопедия в 6 т. Т. 4.: Картография — Миноговые / редкол. Г. П. Пашков и др. — Минск: БелЭн, 2007. — 768 с. ISBN 978-985-11-0385-6
Катэгорыя·Нарадзіліся ў 1951 годзе
Катэгорыя·Супрацоўнікі Брэстпраекта
Катэгорыя·Будынкі і збудаванні Валерыя Кескевіча
Катэгорыя·Памерлі ў 2016 годзе
Катэгорыя·Супрацоўнікі Гроднасельбудпраекта
Катэгорыя·Архітэктары паводле алфавіта
Катэгорыя·Асобы
Катэгорыя·Выпускнікі Брэсцкага дзяржаўнага тэхнічнага ўніверсітэта
Катэгорыя·Нарадзіліся ў Брэсце
Катэгорыя·Нарадзіліся 19 жніўня
Катэгорыя·Артыкулы пра архітэктараў без ілюстрацый на Вікісховішчы
Катэгорыя·Артыкулы пра архітэктараў без партрэтаў