Вазапісец Антыфона — ананімны грэчаскі вазапісец, працаваў у чырвонафігурнай тэхніцы ў пачатку V стагоддзя да н. э., паміж 500 і 475 гадамі да н. э. Вучыўся ў Еўфронія і Анесіма, з якімі працаваў у адной майстэрні, а таксама разам з вазапісцам Кальмарэра.
Атрымаў сваё ўмоўнае імя дзякуючы двайному надпісу Калос, а менавіта Калос Антыфон, на дынасе(руск.) бел., які цяпер захоўваецца ў Берлінскім антычным зборы.
Аўтарству вазапісца Антыфона належаць каля 100 ваз (у першую чаргу кіліксаў). Усе яны амаль без выключэння малююць жыццё арыстакратычнай моладзі Афін, у прыватнасці, спартсменаў, сімпосіяў(руск.) бел., комастаў (комаст — п’яны валацуга), са сваімі коньмі і зброяй. Малюнак міфалагічных тэм і жанчын сустракаецца рэдка (сярод апошніх пераважна гетэры). Калі вазапісец Антыфона адлюстроўваў міфалагічныя сюжэты, яны, як правіла, паказвалі подзвігі Геракла або Тэсея. Адна з яго чараў, магчыма, адлюстроўвае падзеі Марафонскай бітвы (Арвіета(руск.) бел., калекцыя Фаіна). Таксама вазапісец Антыфон быў апошнім, хто ствараў так званыя «чары з вачамі», на якіх адлюстроўваўся ўсёбачнае чароўнае вока.