Ваенны ардынарыят Аргенціны (ісп.: Obispado Castrense de Argentina) — ваенны ардынарыят Рымска-Каталіцкай Царквы, які дзейнічае ў Аргенціне. Ваенны ардынарыят Аргенціны, падпарадкоўваючыся непасрэдна Святому Прастолу, забяспечвае пастырскае акармленне ваеннаслужачых Аргенцінскай арміі, Нацыянальнай жандармерыі і Берагавой аховы і іх сем’яў. Кафедральным саборам ваеннага ардынарыята Аргенціны з’яўляецца Сабор Стэла Марыс у Буэнас-Айрэсе.
8 ліпеня 1957 года быў створаны ваенны вікарыят для ваеннаслужачых аргенцінскай арміі. 21 красавіка 1986 года Рымскі Папа Ян Павел II выдаў булу Spirituali militum curae, якой пераўтварыў вікарыят у ваенны ардынарыят Аргенціны[1].