wd wp Пошук: ⬜

Біблія Веліслава

Біблія Веліслава (лац.: Velislai biblia picta) — ілюмінаваны манускрыпт, створаны ў 1325—1349. Гэта Біблія з’яўляецца адной з самых вялікіх кніг Сярэднявечча, паколькі нават пасля страты некалькіх аркушаў змяшчае амаль сем з паловай соцен выяў.

Апісанне

Манускрыпт па сутнасці з’яўляецца кніжкай з малюнкамі(руск.) бел. па Бібліі, паколькі тэкст абмяжоўваецца кароткімі назвамі або апісаннямі 747 выяў са Старога і Новага Запавету, пісанняў пра Антыхрыста, Дзеянняў Апосталаў і з легенд пра святых, асабліва Святога Вацлава. Рукапіс з’яўляецца прыкладам Бібліі бедных(руск.) бел., хоць не тыповай формы, якая мае шмат больш малюнкаў. Большасць выяў створаны толькі чарніламі, хоць на некаторых і выкарыстаны колеры.

Рукапіс складаецца са 188 фоліа(англ.) бел. з пергаменту, з памерам старонкі 307 х 245 мм. Ён знаходзіцца ў Чэшскай нацыянальнай бібліятэцы(руск.) бел. ў Празе. Манускрыпт быў створаны некалькімі мастакамі, верагодна, для каноніка(руск.) бел. Веліслава (пам. 1367), натарыуса Яна Сляпога і яго сына Карла IV, якія жілі ў Празе. Сам Веліслаў прадстаўлены на каленях перад статуяй Святой Кацярыны Александрыйскай на фоліа 188r.

У 2006 годзе Веліславава Біблія была ўключана ў Спіс нацыянальных помнікаў культуры Чэшскай Рэспублікі(руск.) бел.[1].

Сучасныя перавыданні

У 2007 годзе выдавецтва Archa 90 стварыла факсіміле-выданне Веліслававай бібліі ў накладзе 799 асобнікаў. У 2008 годзе выпусцілі набор з 69 асобнікаў, выданых на паперы ручной працы, якія максімальна нагадваюць арыгінальны рукапіс, іх кошт склаў каля 149 тысяч чэшскіх крон за адзін[2].

Зноскі

Літаратура

Richterová, Alena «Velislavova Bible» in: Grbad Biblio; 2009, ročník 3, číslo 2 (13 pp.)
Uhlíř, Zdeněk: Velislavova bible = Velislai biblia picta = Velislaus Bible. Praha 2007. ISBN 978-80-7050-516-8

Спасылкі

Image (5th item) Архівавана 6 лютага 2007.
Selection of interesting documents(нявызн.) (недаступная спасылка). www.manuscriptorium.com. Архівавана з першакрыніцы 28 студзеня 2015. Праверана 24 January 2015.
Lenka Panušková: Několik ikonografických poznámek k Velislavově bibli
Ukázka ilustrace z Velislavovy bible
Články o Velislavově bibli