Брэсцкае таварыства ўрачоў. Існавала ў Брэсце ў 1903—1915 гг. Старшыня Л. І. Ястражамбецкі-Дзем’яновіч, віцэ-старшыня К. І. Штарк, сакратар-казначэй С. Б. Дземідовіч, бібліятэкар Б. Б. Хват. Спыніла дзейнасць у сувязі з Першай сусветнай вайной.
Мела статут, які прадугледжваў вывучэнне санітарнага астановішча Гродзенскай губерні, збор і вывучэнне матэрыялаў па медыцынскай статыстыцы; наладжванне публічных чытанняў, выданне папулярных твораў для распаўсюджвання ў народзе ведаў па праблемах агульнай і асабістай гігіены і інш.; уладкаванне клінік, узаемны абмен практычнымі назіраннямі за развіццём хвароб і найбольш паспяховымі спосабамі іх лячэння і інш.
Аб’ядноўвала ўсіх урачоў горада: у 1903 г. — 28 чал., у 1907 г. — 21 чал.