Брашоўскі трансільванскі ўніверсітэт (рум.: Universitatea Transilvania din Braşov) — румынская дзяржаўная вышэйшая навучальная ўстанова са статусам універсітэта з сядзібай у горадзе Брашоў.
У цяперашні час універсітэт з’яўляецца буйнейшым універсітэтам у цэнтральнай Румыніі і Трансільваніі. ВНУ з’яўляецца комплексным універсітэтам, які прапануе навучальныя праграмы ў такіх галінах, як машынабудаванне, прамысловая інжынерыя, ІТ, будаўніцтва, лясная гаспадарка, дрэваапрацоўка, дызайн, турызм, матэматыка, эканоміка, медыцына, псіхалогія, педагогіка, музыка, мовазнаўства, права, сацыялогія і інш.