Блакітная сойка
Блакітная сойка, паўночнаамерыканская блакітная сойка (Cyanocitta cristata) — пеўчая птушка. Даўжыня цела каля 28 см, размах крылаў 42 см, важыць каля 52 г. Вызначаецца блакітнай афарбоўкай пер’я на спіне, кароткім блакітным хахалком, чорным кальцом вакол шыі, бела-блакітна-чорным узорам на крылах і чорна-белымі палоскамі ўздоўж хваста. Від распаўсюджаны выключна ў Паўночнай Амерыцы. Жыццёвы арэал птушкі прасціраецца ад усходняга ўзбярэжжа Паўночнай Амерыкі праз поўдзень Канады да Мексіканскага заліва. Папуляцыі поўночных регіёнаў — пералётныя птушкі, якія зімой адлятаюць на поўдзень. Блакітная сойка — лясны жыхар, але сёння ўсё часцей і пераважна ўзімку сустракаецца таксама нападалёку ад сельскагаспадарчых мурогаў, у вёсках, парках і прадмесцях невялікіх гарадоў. Асобіны паўночнаамерыканскай сойкі жывуць пераважна парамі альбо невялікімі сямействамі. У пералётны перыяд птушкі збіраюцца ў вялікія групы. Побач з тыповым піііе-піііе у рэпертуры птушкі вялікая колькасць іншых гукаў: сойка пераймае галасы іншых відаў, добра імітуе драпежных птушак. Такім чынам блакітная сойка засцерагае іншых птушак віда і абараняе свой жыццёвы арэал ад ворагаў.
Рэдкі від, занесены ў спіс ахоўваемых птушак IUCN 2004.
На Вікісховішчы ёсць медыяфайлы па тэме Блакітная сойка- YouTube: Блакітная сойка ласуецца арэшкамі
(Даўжыня 03:52) - YouTube: Блакітная сойка шукае галінкі для гнязда (Даўжыня 01:56)
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Віды па-за небяспекай
Катэгорыя·Крумкачовыя
Катэгорыя·Жывёлы паводле алфавіта