Помнік «Благаславёная ў вяках дружба народаў Расіі і Арменіі» — (аўтарская назва «Адзін крыж») помнік дружбы хрысціянскіх народаў Арменіі і Расіі. Статуя з дзвюх жаночых фігур, якія прытуліліся адна да адной, а паміж імі знаходзіцца крыж.
Помнік быў падораны Арменіяй Маскве ў 1997 годзе, у гонар 850-гадовага юбілею Масквы. Усталяваны на плошчы Нікіцкай брамы і адкрыты 29 жніўня 1997 года. На пастаменце выбіты словы: «Благословенна в веках дружба народов России и Армении».