Белакры́лка цяплі́чная, белакрылка аранжарэйная (Trialeurodes vaporariorum) — від насякомых падатрада белакрылак.
Даўжыня цела 1-2 мм, ногі доўгія, з двухчленістай лапкай.
Радзіма — тропікі Амерыкі.
Касмапаліт. На Беларусі трапляецца ў аранжарэях, цяпліцах, на вазонах.
Жыве на лісці верхніх ярусаў раслін, жывіцца іх сокамі.
Пашкоджвае памідоры (асабліва моцна), агуркі, тытунь, пакаёвыя расліны. Меры барацьбы: інсектыцыды, абеззаражванне.