Баі за Кантхіен — эпізод В’етнамскай вайны, калі адбываліся сутыкнення вакол амерыканскай ваеннай базы «Кантхіен».
«Вышыня 158», якая мела в‚етнамскае назву «Кантхіен» («Узгорак анёлаў»), была размешчана за 3 км на поўдзень ад дэмілітарызаванай зоны паміж Паўночным і Паўднёвым В’етнамам (16°54′35″ пн. ш. 106°58′48″ у. д. HGЯO). Увесну 1967 года на ёй была пабудавана база марской пяхоты ЗША. Пабудова базы вялася ў рамках праекта «Лінія Макнамары», якая прадугледжвала стварэнне ўмацаванай лініі абароны на поўдзень ад дэмілітарызаванай зоны. На базе размяшчалася артылерыя, якая падтрымлівала дзеянні марской пяхоты ў дадзеным раёне.
У ліпені 1967 года паўночней Кантхіен адбылося буйнае сутыкненне ў ходзе правядзення марскімі пяхотнікамі аперацыі «Бафала». У верасні таго ж года база была фактычна абложаная значнымі сіламі праціўніка. Яна штодня падвяргалася артылерыйскім абстрэлам з тэрыторыі Паўночнага В’етнама,у выніку чаго ў некаторых амерыканскіх салдат на базе развіўся сіндром «снараднага шоку». Да пачатку кастрычніка аблога была знятая. У далейшым падзеі аблогі Кантхіен паўтарыліся падчас аблогі базы Кхешань.
У 1969 годзе база Кантхіен была перададзена паўднёвав’етнамскай арміі.