У Вікіпедыі ёсць артыкулы пра іншых асоб з прозвішчам Алібасаў. Бары Карымавіч Алібасаў (нар. 6 чэрвеня 1947, Чарск, Чарскі раён, Сяміпалацінская вобласць) — савецкі і расійскі музыкант, кампазітар , музычны прадзюсар, заслужаны артыст Расіі (1999). Мае татара-казахскае паходжанне. Заснавальнік і кіраўнік гуртоў «Інтэграл» (1962—1989) і «На-на» (з 1989).
4 чэрвеня 2019 года Бары Алібасаў быў шпіталізаваны ў НДІ імя Скліфасоўскага ў сувязі з цяжкім атручваннем, як мяркуецца, вадкасцю для прачысткі труб. Лекары дыягнаставалі апёк страўніка чацвёртай ступені. З 6 па 11 чэрвеня прадзюсар знаходзіўся ў стане медыкаментознага сну.