Барнаба да Модэна (іт. Barnaba da Modena; 1328/1330, Модэна — пасля 1386) — італьянскі мастак.
Барнаба да Модэна як мастак працаваў пераважна на поўначы Італіі, у Лігурыі і П’емонце, а таксама ў Пізе. У 1361 годзе ён выконваў замовы для генуэзскага Палаца Дожаў, у 1370 — для Гандлёвай палаты Генуі. Яго творы створаны ў венецыянска-візантыйскім мастацкім стылі, відаць, найбольш знаёмым Барнаба да Мадэна. Майстар заставаўся верны гэтай манеры выканання да сваёй апошняй, вядомай нам працы — фрэскі Страшны суд — выкананай ім у візантыйскім стылі для царквы св. Агосціна ў Генуі.