Бамаўскае — возера ў Кобрынскім раёне Брэсцкай вобласці, за 15 км на паўночны ўсход ад горада Кобрын, за 1,6 км на ўсход ад вёскі Мухаўлокі. Адносіцца да басейна ракі Мухавец.
Даўжыня 0,25 км, шырыня 0,22 км. Даўжыня берагавой лініі 0,9 км. Берагі пясчаныя, высокія. На паўднёвым усходзе злучана з Каралеўскім каналам.
Возера ўзнікла ў выніку будаўніцтва аўтамагістралі Брэст—Мінск на месцы былога кар’ера.