А́ўцэ (лат.: Auce (i)) — горад у Латвіі, адміністрацыйны цэнтр Аўцкага края. Размешчаны ў 100 км на паўднёвы захад ад Рыгі, у мяжы з Літвой. Чыгуначная станцыя. Плошча 3,66 км². Насельніцтва — 3 тыс. жыхароў (2011).
З 31 снежня 1949 года быў цэнтрам Аўцкага раёна. Пасля яго ліквідацыі горад уваходзіў у склад Дабэльскага раёна (да 1 ліпеня 2009 года).
Галоўнай славутасцю горада з’яўляецца палац Вэцаўцэ, пабудаваны ў 1845 годзе ў псеўдагатычным стылі.