Аўтарадыёграфія (радыёаўтаграфія) — метад вывучэння размеркавання радыёактыўных рэчываў у доследным аб’екце
Плёнка (фотаматэрыял) з адчувальнай да радыёактыўнага выпраменьвання фотаэмульсіяй накладваецца на паверхню або зрэз аб’екта.
Для атрымання размеркавання тых ці іншых рэчываў у аб’екце выкарыстоўваюць маркіраванне патрэбных малекул ізатопным індыкатарам. Радыёактыўныя рэчывы, якія змяшчаюцца ў аб’екце, як бы самі сябе фатаграфуюць (адсюль назва).
Пасля праявы месцы зацямнення на пленцы адпавядаюць лакалізацыі радыёактыўных часціц.
Метад выкарыстоўваецца ў медыцыне, тэхніцы, а таксама ў біялогіі, напрыклад, для вывучэння працэсаў фотасінтэзу, дзе прасочваецца след радыеактыўнага дыяксіду вугляроду, які праходзіць праз розныя хімічныя стадыі.
Фатаграфічны малюнак размеркавання радыёактыўных рэчываў, атрыманы метадам аўтарадыёграфіі, называецца аўтарадыёграмай, або радыёаўтографам.