Аста́зія (Astasia) — род аднаклетачных эўгленавых водарасцей сямейства Astasiaceae.
Эўгленападобныя клеткі даўжынёю 9—85 мкм і шырынёю 10—20 мкм маюць па пярэднім канцы жгуцік і трубкападобную ўпадзіну — «глотку». Вочка адсутнічае. Запасное рэчыва — шматлікія парамілонавыя эярняты. Размнажаюцца дзяленнем клеткі, некаторыя віды ўтвараюць споры.
Вядома каля 40 відаў. Жывуць у паверхневых слаях глею і неглыбокіх вадаёмах, свабодна плаваюць або поўзаюць. Бесхларафільныя астазіі — сапрафіты. Вядомы паразітычныя віды.