Аскольд Аўрамавіч Сухін (2 мая 1941, Архангельск, РСФСР — 19 лютага 1994) — беларускі спявак (бас). Заслужаны артыст Беларусі (1971).
Скончыў інстытут мастацтваў у Кішынёве (1965). З 1965 года саліст Ансамбля песні і танца Беларускай ваеннай акругі, з 1966 г. — Дзяржаўнага тэатра оперы і балета Беларусі, з 1980 года — Дзяржаўнага камітэта Беларусі па тэлебачанні і радыёвяшчанні, у 1985—1990 гг. — Крымскай філармоніі. Валодаў голасам рэдкай прыгажосці і пластычнасці.