Артэнсія Бусі дэ Альендэ (iсп. Mercedes Hortensia Bussi Soto de Allende; 22 ліпеня, 1914—18 чэрвеня, 2009) — чылійскі грамадска-палітычны дзеяч, жонка прэзідэнта Чылі Сальвадора Альендэ, першая лэдзі Чылі ў перыяд з 1970 па 1973.
Бусi нарадзілася ў Вальпараіса ў заможнай сям’і марака гандлёвага флоту Чылі. Яна вучылася ў Універсітэце Чылі, дзе атрымала вышэйшую адукацыю як настаўнік гісторыі і геаграфіі. Бусi таксама вывучаў статыстыку і працавала бібліятэкарам у Дэпартаменце статыстыкі.
24 студзеня 1939 года, падчас землятрусу у Сант’яга, знаёмiцца з Сальвадорам Альендэ. 17 сакавіка 1940 Бусi выходзіць замуж за яго.
Падчас прэзідэнцтва Альендэ, Бусi часта суправаджала мужа падчас паездак у розныя рэгіёны Чылi, а таксама за мяжу. Як першая лэдзі, яна займалася арганiзацыяй дастаўкi гуманітарнай дапамогі і дабрачыннасцю.
Пасля ваеннага перавароту 1973 года, у выніку якога быў зрынуты яе муж Сальвадор Альендэ, Бусi эмігравала ў Мексiку. У эміграцыі стала вядомым грамадскім дзеячам, адным з лідараў чылійскай апазіцыі ў выгнанні. Яна разгарнула міжнародную кампанію, накіраваную супраць дыктатарскага рэжыму Аўгуста Піначэта, выстаўляла сваю кандыдатуру на выбарах рэктара Універсітэта Глазга ў 1977 годзе.
24 верасня 1988 гады, пасля 15 гадоў выгнання, яна вярнулася ў Чылі і ўзначаліла Фонд Сальвадора Альендэ. Памерла ў Сант’яга ва ўзросце 94 гадоў. Астанкі Бусi пахаваны на тэрыторыі былога Нацыянальнага кангрэса.