Армяна-аўстралійскія адносіны — адносіны Рэспублікі Арменія з Аўстраліяй. Дыпламатычныя адносіны паміж дзяржавамі ўстаноўлены ў 1992 годзе[1].
17 красавіка 1997 года парламент штата Новы Паўднёвы Уэльс прыняў рэзалюцыю, у якой, ідучы насустрач мясцовай армянскай дыяспары, асудзіў падзеі, якія адбыліся на тэрыторыі Асманскай імперыі, кваліфікаваўшы іх як першы ў XX стагоддзі генацыд, прызнаў 24 красавіка Днём памяці армян. 29 красавіка 1998 года Заканадаўчы сход гэтага ж штата прыняў рашэнне ўстанавіць мемарыяльны абеліск у будынку парламента ў знак увекавечання памяці ахвяр генацыду армян 1915 года[2].
У 2003 годзе Арменію наведаў міністр па справах іміграцыі, мультыкультур і карэннага насельніцтва Аўстраліі Філіп Радок.
У кастрычніку 2005 годзе Аўстралію з афіцыйным візітам наведаў міністр замежных спраў Арменіі Вардан Мінасавіч Асканян, а ў лістападзе Арменію наведаў міністр дзяржаўных паслуг Аўстраліі Джо Хакі.
27 сакавіка 2009 года, парламент штата Паўднёвая Аўстралія прыняў рэзалюцыю, якая асуджае генацыд армянскага народа.
Агульны кошт імпарту з Аўстраліі ў перыяд 2014—2018 гадоў склаў прыкладна 23 млн долараў ЗША, а агульны кошт экспарту — прыкладна 697 тысяч долараў ЗША[3].