Анніка Тор (швед. Annika Thor, нар. 2 ліпеня 1950 года, Гётэбарг, Швецыя) — шведская пісьменніца.
Нарадзілася ў яўрэйскай сям’і. Працавала сакратаром, бібліятэкарам і кінакрытыкам. Піша раманы, п’есы, кінасцэнарыі, пераважна для дзяцей і падлеткаў. Жыве ў Стакгольме.
У 1999 годзе атрымала нямецкую прэмію ў галіне дзіцячай і юнацкай літаратуры за аповесць «Востраў у моры». За тую ж аповесць ў 2000 годзе была ўдастоена Міжнароднай літаратурнай прэміі імя Януша Корчака, стаўшы яе апошнім лаўрэатам.