У Вікіпедыі ёсць артыкулы пра іншых асоб з прозвішчам Чайкоўскі.
Андрэй Ціханавіч Чайкоўскі (28 снежня 1910, вёска Бальшаскарэдная[ru], Арамашаўскі раён, Цюменская вобласць — 24 верасня 1980) — адзін з кіраўнікоў партызанскага руху ў Мінскай і Брэсцкай абласцях.
З 1932 года ў Чырвонай Арміі. Член КПСС з 1939 года. У партызанах з верасня 1941 года: камандзір групы, камісар атрада, у студзені — лютым 1943 года і верасні 1943 — ліпені 1944 гадоў камісар, у лютым — верасні 1943 года камандзір 99-й партызанскай брыгады імя Дз. Ц. Гуляева, са студзеня па ліпень 1944 года член Кляшчэльскага падпольнага РК КП(б)Б. У 1944—1968 гадах на партыйнай і адміністрацыйна-гаспадарчай рабоце. Скончыў Рэспубліканскую партыйную школу пры ЦК КПБ у 1954 годзе.