У Вікіпедыі ёсць артыкулы пра іншых асоб з прозвішчам Гантварг. Анатоль Абрамавіч Гантварг (3 кастрычніка 1948, Мінск, БССР, СССР —) — савецкі і беларускі шашыст, неаднаразовы чэмпіён свету па міжнародных шашках[1]. Пачаў займацца шашкамі ў Мінскім палацы піянераў у І. Бельскага, у 18 гадоў увайшоў у склад зборнай СССР па шашках[2].
Анатоль Гантварг — міжнародны гросмайстар (1976), заслужаны майстар спорту (1985), чэмпіён свету (1978, 1980, 1984, 1985), СССР (4 разы ў 1969—1981) па міжнародных шашках[1][3]. Матэматык, скончыў Беларускі дзяржаўны ўніверсітэт у 1972 годзе[1].
З 1974 інструктар Цэнтральнага шахматнага клуба Узброеных Сіл СССР[1].
У 1984 і 1985 гадах Анатоль Гантварг прызнаваўся лепшым спартсменам БССР[4].
У 2007 годзе абвясціў байкот Сусветнай федэрацыі шашак(руск.) бел. і Еўрапейскай канфедэрацыі шашак(руск.) бел., адмовіўшыся ўдзельнічаць у спаборніцтвах, якія праводзяцца пад іх эгідай. Тым не менш, ён не адмаўляецца выступаць за зборную Беларусі[5][6].
Напісаў аўтабіяграфічную кнігу, куды ўвайшлі яго найлепшыя партыі[7].
У 2007 годзе А. Гантварг правёў паказальны матч у рускія шашкі(руск.) бел. з Прэзідэнтам Абхазіі Сяргеем Багапшам[8].