У Вікіпедыі ёсць артыкулы пра іншых асоб з прозвішчам Субота (значэнні).
Аляксандр Сяргеевіч Субота (нар. 28 жніўня 1984, Мінск, Беларуская ССР) — беларускі лёгкаатлет, майстар спорту міжнароднага класа. Бронзавы прызёр Паралімпійскіх гульняў па лёгкай атлетыцы, чэмпіён свету і Еўропы.
У 2004 годзе скончыў Мінскі Дзяржаўны каледж прадпрыемстваў лёгкай прамысловасці па спецыяльнасці мадэльер-канструктар абутку і гарбарна-галантарэйных вырабаў.
У 2010 годзе скончыў Беларускі дзяржаўны ўніверсітэт фізічнай культуры ў Мінску па спецыяльнасці трэнер-выкладчык па лёгкай атлетыцы.
Пачаў займацца спортам у Мінску ў 1996 годзе (12 гадоў). Займаўся веславаннем на байдарках і каноэ ў Юрыя Міхайлавіча Асмалоўскага . У 2000 годзе перайшоў да трэнера Тамары Мікалаеўны Шыманскай і пачаў займацца лыжнымі гонкамі, як спартсмен з абмежаваннямі па здароўі. У 2002 годзе заняўся лёгкай атлетыкай (кіданне дзіды, скачкі, спрынт) і ўвайшоў у склад Нацыянальнай зборнай па інваспорце Рэспублікі Беларусь. З 2003 па 2008 года трэніраваўся ў Віктара Міхайлавіча Бельскага, а з 2008 года трэніруецца ў Анатоля Аляксеевіча Майструка. У наш час асноўны від праграмы ў лёгкай атлетыцы — трайны скачок і скачкі ў даўжыню.
Стыпендыят Прэзідэнцкага спартыўнага клуба Рэспублікі Беларусь (2006—2008 гг.).
У 2012 годзе атрымаў званне «Майстар спорту міжнароднага класа».
Год | Турнір | Дысцыпліна | Месца | Вынік |
---|---|---|---|---|
2012 | XIV летнія Паралімпійскія гульні ў Лондане | трайны скачок | 3![]() |
14.00 |
Год | Турнір | Дысцыпліна | Месца |
---|---|---|---|
2005 | Чэмпіянат Еўропы | скачкі ў даўжыню | 3![]() |
2006 | Чэмпіянат свету ў зачыненым памяшканні | скачкі ў даўжыню | 1![]() |
2007 | адкрыты чэмпіянат Германіі | скачкі ў даўжыню | 1![]() |
2010 | Адкрыты чэмпіянат Украіны | скачкі ў даўжыню | 3![]() |
2011 | Адкрыты чэмпіянат Украіны | скачкі ў даўжыню | 1![]() |
трайны скачок | 1![]() | ||
2012 | Чэмпіянат Еўропы | скачкі ў даўжыню | 3![]() |
трайны скачок | 1![]() | ||
2013 | Чэмпіянат Свету (Ліён) | трайны скачок | 2![]() |
2014 | Чэмпіянат Еўропы (Swansea) | трайны скачок | 2![]() |