У Вікіпедыі ёсць артыкулы пра іншых асоб з прозвішчам Мальцаў. Аляксандр Сяргеевіч Мальцаў (нар. 23 студзеня 1947, г. Бабруйск) — беларускі архітэктар.
У 1971 годзе скончыў Беларускі політэхнічны інстытут. Працаваў архітэктарам Першамайскага раёна Мінска, з 1986 года — намеснік дырэктара праектна-тэхналагічнага інстытута «Белгандальсістэма» Мінгандлю БССР.
Член Саюза архітэктараў БССР з 1979 года. Член КПСС з 1983 года. Пражывае ў г. Мінск.
Аўтар праектаў добраўпарадкавання бульвара па вул. Каліноўскага, сквера па вул. Славінскага, дзіцячага гарадка гульнявога комплексу ў мікрараёне Зялены Луг-5 (1976—1983).