Аляксандр Галоўчынскі (каля 1570 — 12 мая 1617) — князь, вялікалітоўскі дзяржаўны дзеяч.
Кашталян жамойцкі (1604—1614), ваявода мсціслаўскі (з 1614); староста лідскі (1602—1613), дзяржаўца вількійскі (з 1616).
Удзельнічаў у вайне Рэчы Паспалітай з Расіяй 1609—1618 (Смаленская кампанія, 1609), у мірных перагаворах з расійскімі пасламі ў 1615 годзе.
Перайшоў у каталіцтва.
Сын Яраслава Галоўчынскага і яго жонкі з Хадкевічаў. Брат мсціслаўскага кашталяна Канстанціна Галоўчынскага. Быў жанаты з Гальшкай з Валовічаў, дачкой слонімскага старосты Міхала Валовіча. Меў сына Самуэля і дачку Ганну (?—1643), жонку вялікага літоўскага пісара Крыштафа Стэфана Сапегі.