Аляксандр Віктаравіч Сямешка (4 жніўня 1950) — беларускі дыпламат.
Кандыдат хімічных навук. У 1972 – 1992 гадах працаваў у Беларускім дзяржаўным універсітэце. З 1992 на кіраўнічых пасадах у дзяржаўнай адміністрацыі. У 1997 – 1999 гг. быў начальнікам упраўленыя экалагічнага і навукова-тэхнічнага супрацоўніцтва Міністэрства замежных спраў Рэспублікі Беларусь.
6 кастрычніка 1999 г. прызначаны Надзвычайным і Паўнамоцным Паслом Рэспублікі Беларусь у Рэспубліцы Карэя [1], адстаўлены быў 15 кастрычніка 2005 года [2]. У 2006 – 2008 гадах быў начальнікам упраўлення двухбаковых адносінаў з дзяржавамі Садружнасці Незалежных Дзяржаў.
14 жніўня 2008 года быў прызначаны паслом у Аб’яднаных Арабскіх Эміратах [3], 22 студзеня 2010 года стаў дадаткова амбасадарам у Дзяржаве Катар і Каралеўстве Саудаўская Аравія па сумяшчальніцтве [4].
У 2014–2015 гг. рэктар Прыватнага інстытута кіравання і прадпрымальніцтва.