У Вікіпедыі ёсць артыкулы пра іншых асоб з прозвішчам Касякоў. Аляксандр Іванавіч Касякоў (нар. 12 мая 1914, г. Гомель) — беларускі архітэктар.
Скончыў у 1941 годзе Харкаўскі інжынерна-будаўнічы інстытут, у 1945—1956 працаваў у Гомельскім філіяле інстытута «Белдзяржпраект», з 1957 года галоўны архітэктар Гомеля, з 1965 года кіраўнік мастацка-канструктарскіх майстэрняў, з 1968 кіраўнік архітэктурна-мастацкай майстэрні Гомельскага аблспажыўсаюза, у 1971—1973 гадах кіраўнік мастацкай майстэрні Гомельскага камбіната добраўпарадкавання[1].
Член Саюза архітэктараў СССР з 1963 года. Пражываў у Гомелі[2].
Асноўныя работы (усе ў Гомелі): будынкі ўпраўлення КДБ Гомельскай вобласці (1948), дарожна-будаўнічага тэхнікума (1952, у сааўтарстве), павільён на калгасным рынку (1949)[1], праекты Гомельскага машынабудаўнічага (1950), політэхнічнага (1952) тэхнікумаў[2], генплан Гомеля (1963, у аўтарскім калектыве), жылыя дамы па вул. Савецкай (1950)[1], Кірава (1956)[2] і па праспекце Леніна (1963)[1].