У Вікіпедыі ёсць артыкулы пра іншых асоб з прозвішчам Белавусаў. Аляксандр Іванавіч Белавусаў (нар. 14 мая 1951, г. Кулоціна, Наўгародская вобласць) — беларускі архітэктар.
Скончыў у 1973 годзе Беларускі політэхнічны інстытут. З 1973 года — архітэктар—кіраўнік групы архітэктараў, галоўны архітэктар праектаў у БелНДІдзіпрасельбудзе.
Член Саюза архітэктараў СССР з 1979 года. Пражываў у Мінску.
Асноўныя працы (у аўтарскім калектыве): эксперыментальны жылы дом з блок-пакояў і клеяфанерных панэляў у саўгасе «Мінскі» (1975), комплекс забудовы Бярэзінскага дзяржаўнага запаведніка (1982), калгаса «Савецкая Беларусь» (1974—1986).
Узнагароджаны бронзавым медалём ВДНГ СССР (1982).