У Вікіпедыі ёсць артыкулы пра іншых асоб з прозвішчам Лукомская. Алена Георгіеўна Лукомская (24 студзеня 1939, Менск) — беларускі архітэктар.
Скончыла Беларускі політэхнічны інстытут у 1962 годзе. З 1965 года — архітэктар, старшы архітэктар, кіраўнік групы архітэктараў у Белдзяржпраекце.
Член Саюза архітэктараў СССР з 1969 года. Пражывае ў Мінску.
Асноўныя працы (у аўтарскім калектыве): гасцініца «Магілёў» і Дом спорту ў Магілёве (1967—1971), гасцініца «Інтурыст» у Брэсце (1974—1976), сярэдняя агульнаадукацыйная школа № 137[d] на 40 класаў у мікрараёне Усход-1 у Мінску (1976), навучальны камбінат Міндарбуда БССР па Кальварыйскай вуліцы, 37 (1979), ГПТВ будаўнікоў і ПТВ завода «Шкловалакно» ў Полацку (1986—1987).