Акадэмія музычных мастацтваў Яначака (чэшск.: Janáčkova akademie múzických umění) — чэшская дзяржаўная вышэйшая навучальная ўстанова з сядзібай у горадзе Брно.
Установа была заснавана 12 верасня 1947 года. Яе стварэнне было натхнёнае фігурай Леаша Яначака, які ўжо пры жыцці імкнуўся заснаваць музычную акадэмію ў Брно.
Сёння па дысцыплінах, арыентаваных на музыку і тэатр, установа рыхтуе каля 700 студэнтаў для мастацкай сферы. Складаецца з факультэта тэатра і факультэта музыкі. Тэатральны факультэт мае ў сваім распараджэнні драматычную студыю і музычна-драматычную лабараторыю.