Азія́цка-ціхаакія́нскі тэа́тр вае́нных дзе́янняў Пе́ршай сусве́тнай вайны́ — заваяванне Брытанскай і Японскай імперыямі нямецкіх каланіяльных уладанняў у тэрытарыяльным Кітаі і Ціхім акіяне. Калі не лічыць японскай атакі Цындаа пры падтрымцы брытанскага флоту, то большасць захопаў прайшло адносна бяскроўна. Да лістапада 1914 года, Вялікабрытанія, яе дамініёны і Японская імперыя захапілі ўсе ўладанні Германіі. Пасля гэтага ўсе ваенныя дзеянні ў гэтым рэгіёне звяліся да барацьбы з нямецкімі рэйдэрамі.
У той жа час, незадаволенасць Японіі сваімі тэрытарыяльнымі набыццямі па выніках Першай сусветнай вайны стала адной з падстаў уступлення яе ў Другую сусветную.