Адрэс Даўнтаўн Бурдж Дубай, (араб. فندق البحيرة و شقق برج دبي المخدمة) — шасцідзесяцітрохпавярховы небаскроб вышынёй 306 метраў, размешчаны ў горадзе Дубай, Аб’яднаныя Арабскія Эміраты.[2] Першапачаткова зваўся The Address Downtown Burj Dubai. Будынак з’яўляецца адным з некалькіх звышвысокіх небаскробаў, якія размяшчаюцца ў раёне Даўнтаўн Бурдж Дубай, у цэнтры якога размяшчаецца найвышэйшы будынак на Зямлі — вежа Бурдж Дубай.[2] Будынак быў падведзены пад дах у красавіку 2008 года, стаўшы 6-м па вышыні будынкам у горадзе. У верасні 2008 года будынак быў цалкам завершаны.