У Вікіпедыі ёсць артыкулы пра іншых асоб з прозвішчам Кардаш.
Яраслаў Канстанцінавіч Кардаш (нар. 3 мая 1991, г. Бярозаўка, Лідскі раён, Гродзенская вобласць, Беларуская ССР, СССР) — беларускі барэц грэка-рымскага стылю ў вагавай катэгорыі да 66 кг. Майстар спорту Беларусі міжнароднага класа. Чэмпіён Беларусі 2012, 2014 і 2016 гадоў.
На ранніх этапах праходзіў падрыхтоўку ў СДЮШАР № 3 Лідскага раёна.
Сярэбраны прызёр Голдэн Гран-пры 2012 у Баку (Азербайджан). У тым жа годзе на Чэмпіянаце Беларусі ў Магілёве заваяваў залаты медаль.
Бронзавы прызёр Голдэн Гран-пры 2013 у Стамбуле (Турцыя). У тым жа годзе на Чэмпіянаце Еўропы заняў толькі 18-е месца. На летняй Універсіядзе 2013 года ў Казані прайграў у першым крузе. Сярэбраны прызёр Чэмпіянату Беларусі 2013 года ў Лідзе.
У 2014 прымаў удзел у Чэмпіянаце свету, але прайграў у 1/8 фіналу, на Чэмпіянаце Еўропы ў тым жа годзе прайграў у 1/16 фіналу. На Чэмпіянаце Беларусі 2014 года ў Брэсце заваяваў залаты медаль.
Сярэбраны прызёр Чэмпіянату Беларусі 2015 года ў Лідзе.
Чэмпіён Беларусі 2016 года ў вагавай катэгорыі да 66 кг.
Вучыцца на факультэце фізічнай культуры Гродзенскага дзяржаўнага ўніверсітэта імя Янкі Купалы.