У Вікіпедыі ёсць артыкулы пра іншых асоб з прозвішчам Юдзіцкі.
Ян Пётр Юдзіцкі (каля 1705 — 1780) — дзяржаўны дзеяч Вялікага Княства Літоўскага, харунжы рэчыцкі з 1729 года, пісар вялікі літоўскі з 1755 года, кашталян менскі з 5 снежня 1758 па 4 студзеня 1777 года.
З роду Юдзіцкіх герба ўласнага «Радван зменены», сын Антонія, які быў паслядоўна харунжым, падкаморым і маршалкам рэчыцкім. Кашталянства прыняў пасля смерці брата Міхала. Быў жанаты з Элеанорай Рудаміна-Дусяцкай, радунскай старосцічанке.