У Вікіпедыі ёсць артыкулы пра іншых асоб з прозвішчам Шапіра. Якаў Рыгоравіч Шапіра (18 лістапада 1907, Мінск — 2 студзеня 1980) — беларускі архітэктар.
Скончыў Кіеўскі інжынерна-будаўнічы інстытут у 1937 годзе. Працаваў у Белдзяржпраекце, з 1968 па 1970 г. — галоўным архітэктарам праектаў у Белмясцпрампраекце.
Член Саюза архітэктараў СССР з 1946 года.
Асноўныя працы (у аўтарскім калектыве): кінатэатр у Бабруйску (1938), Дом Саветаў у Вілейцы (1939), будынак філармоніі (1938), кінатэатр «Радзіма» (1939), інтэрнат ФЗА аўтазавода, навучальны корпус і інтэрнат фінансавага тэхнікума (1948), навучальны корпус тэхнікума гандлю (1954) у Мінску.