У Вікіпедыі ёсць артыкулы пра іншых людзей з імем Ярнефельт.
Эра Ярнефельт (фінск.: Erik (Eero) Nikolai Järnefelt, 8 лістапада 1863, Выбарг — 15 лістапада 1937) — фінскі мастак.
Вучыўся ў Пецярбургскай Акадэміі мастацтваў (1883-85) і акадэміі Жуліяна ў Парыжы (1886-91). Пісаў партрэты фінскай інтэлігенцыі: Я. Сібеліуса (1892), І. Ф. Пальмена (1892); жанравыя карціны на тэмы паўсядзённай працы і быту фінскага народа: «Гаспадар і батракі» (1893), «Дзеці гуляюць» (1895). Аўтар насценнай размалёўкі ўніверсітэта Хельсінкі (1916-20). Творы вылучаюцца гучным каларытам, класічна завершанай кампазіцыяй.