Эмануіл Хацкелевіч Адэльскі (нар. 4 студзеня 1892, Кіеў, Украіна — 22 мая 1982) — спецыяліст у галіне цеплагазазабеспячэння і вентыляцыі. Доктар тэхнічных навук (1950), прафесар (1950). Заслужаны дзеяч навукі і тэхнікі Беларускай ССР (1949).
Скончыў Кіеўскі політэхнічны інстытут (1916).
Выкладаў у Беларускім політэхнічным інстытуце (з 1929, кафедра цеплагазазабеспячэння і вентыляцыі, прафесар, у 1929—1967 гадах — загадчык кафедры, з 1976 года — прафесар-кансультант), у гады Вялікай Айчыннай вайны — у Куйбышаўскім політэхнічным інстытуце (Расія).
Навуковыя інтарэсы: гідрамеханіка патокаў; цепла- і масаабмен; разлік трубаправодаў.