Чырвоны воўк, або горны воўк (Cuon alpinus) — драпежнае млекакормячае сямейства сабак; адзіны від роду Cuon. Рэдкі від сабак, які знаходзіцца пад пагрозай знікнення.
Гэта даволі буйны звер з даўжынёй цела 76-110 см, хваста - 45-50 см і масай 17-21 кг. У яго абліччы спалучаюцца рысы ваўка, лісіцы і шакала. Ад звычайнага ваўка чырвоны воўк адрозніваецца афарбоўкай, пухнатай поўсцю і больш доўгім хвастом, які сягае амаль зямлі. Характэрная скарочаная, завостраная пыса. Вушы вялікія, стаячыя, з закругленымі вяршынямі, высока пасаджаныя на галаве.