**Фасфарасцэнцыя** — гэта адмысловы тып [фоталюмінесцэнцыі](/Фоталюмінесцэнцыя "Фоталюмінесцэнцыя"). У адрозненне ад флюарэсцэнтнага, фасфарасцэнтнае рэчыва выпраменьвае паглынутую энергію не адразу. Большы час рээмісія звязана з «забароненымі» энергетычнымі пераходамі ў [квантавай механіцы](/Квантавая_механіка "Квантавая механіка"). Паколькі такія пераходы назіраюцца радзей у звычайных матэрыялах, рээмісія паглынутага выпраменьвання праходзіць з больш нізкай інтэнсіўнасцю, і на працягу працяглага часу (да некалькіх гадзін).
Вывучэнне фасфарасцэнтных рэчываў пачалося прыкладна з часу адкрыцця радыеактыўнасці (1896).