wd wp Пошук: ⬜

Уладзімір Антонавіч Собалеў

У Вікіпедыі ёсць артыкулы пра іншых асоб з прозвішчам Собалеў.

Уладзімір Антонавіч Собалеў (30 студзеня 1939, Днепрапятроўск, УССР) — савецкі ваенны, генерал-маёр, начальнік Вышэйшых курсаў КДБ СССР у Мінску з 1988 па 1992 год.

Біяграфія

У 1959 годзе скончыў Дзяржынскі хімічны тэхнікум ім. Чырвонай Арміі, працаваў электрыкам на заводзе Минавиапрома.

З 1959 па 1962 год служыў у Савецкай арміі.

З 1962 года знаходзіцца ў органах дзяржбяспекі. У 1966 годзе скончыў Вышэйшую школу КДБ СССР з залатым медалём і быў накіраваны на працу ў вайсковую контрвыведку. З 1970 года працаваў у Вышэйшай школе КДБ СССР — выкладчыкам спецкафедры № 9, выкладчыкам, старэйшым выкладчыкам спецкафедры № 11.

З 1980 па 1985 год працаваў у сакратарыяце КДБ СССР намеснікам начальніка аддзела, затым начальнікам аддзела. У 1985—1988 гадах працаваў начальнікам аддзела Кіравання кадраў КДБ СССР. З 1988 па 1992 год начальнік Вышэйшых курсаў КДБ у Мінску.

Пасля распаду СССР працягнуў службу ў органах МБ — ФСБ Расіі. З 1999 года — на пенсіі.

Узнагароды

Ордэн Чырвонай Зоркі
Нагрудны знак Ганаровы супрацоўнік дзяржбяспекі

Літаратура

И. З. Юркин [и др.] Генералы органов государственной безопасности: крат. биогр. справ. (1918-2008). — Мн.: Геопринт, 2008.