У Вікіпедыі ёсць артыкулы пра іншых асоб з прозвішчам Аганесян. Тацевік Нарайраўна Аганесян (арм.: Տաթևիկ Նորայրի Հովհաննիսյան; 3 чэрвеня 1955, Ерэван, Арменія) — джазавая спявачка, вакалістка. У 70-80-х гадах XX стагоддзя дамаглася прызнання як лепшая выканаўца джазавых стандартаў, выступіўшы на некалькіх буйных джазавых фэстах. «Эла з Ерэвана» ці «Лэдзі Джаз Савецкага саюза» — так звалі Тацевік Аганесян, якая з’явілася на джазавай сцэне СССР. Тацевік — рэдкі прыклад запатрабаванай джазавай спявачкі СССР на сусветным джазавым рынку.
Нарадзілася ў сям’і музыкантаў, у дзяцінстве выконвала армянскія народныя песні, захапілася джазам, праслухаўшы калекцыю пласцінак брата — акадэмічнага скрыпача.
У 1966 выступала з джаз-аркестрам Армянскага радыё.
У 1974 годзе скончыла дырыжорска-харавое аддзяленне Музычнай вучэльні ім. Мелікяна.
У 1974—1978 выконвала джаз у Дзяржаўным эстрадным аркестры Арменіі Канстанціна Арбеляна (у 1976 выступіла на джазавым фэсце ў Белградзе).
Пасля 1977 года падрыхтавала некалькі джазавых праграм з ансамблямі Ігара Брэля, Тэйта Паўлса, Гунарса Розенберга, з піяністам Мікаэлем Закаранам.
У 1991 годзе эмігравала ў ЗША, а ў канцы XX стагоддзя пачала канцэртаваць у Амерыцы і Еўропе пад імем Datevik.