Тарн і Гарона (франц. Tarn-et-Garonne) — дэпартамент на поўдні Францыі, адзін з дэпартаментаў рэгіёна Поўдзень — Пірэнеі. Парадкавы нумар 82. Адміністрацыйны цэнтр — Мантабан. Насельніцтва 206 тыс. чалавек (86-е месца сярод дэпартаментаў, дадзеныя 1999 г.).
Плошча тэрыторыі 3718 км². Праз дэпартамент працякаюць рэкі Тарн і Гарона, ад якіх і паходзіць яго назва.
Дэпартамент уключае 2 акругі, 30 кантонаў і 195 камун.
Дэпартамент быў утвораны дэкрэтам Напалеона ад 4 лістапада 1804 г. У яго склад увайшлі землі суседніх дэпартаментаў, у першую чаргу Ло і Гарона Верхняя.