Сярэдні праспект В. В. — буйная магістраль на Васільеўскім востраве ў Санкт-Пецярбургу, якая праходзіць ад набярэжнай Макарава да Налічнай вуліцы.
Быў пракладзены ў 1730-х гадах і першапачаткова называўся Малой першпектывай (Вялікая першпектыва — цяпер Вялікі праспект). У 1760-х гадах, калі ўзнік яшчэ адзін паралельны праспект (цяперашні Малы праспект), Малая першпектыва пачала называцца Сярэднім праспектам. У 1930-х гадах Сярэдні праспект быў перайменаваны ў праспект Мусаргскага (кампазітар М. П. Мусаргскі жыў у 1875 годзе на Васільеўскім востраве на 5-й лініі ў доме № 10). У студзені 1944 года праспекту вярнулі старую назву.
У снежні 1972 года ў Сярэдні праспект увайшоў былы Мала-Гаванскі праспект. Цяпер Сярэдні праспект цягнецца ад набярэжнай Макарава да Налічнай вуліцы.
Тапонім «Сярэдні праспект» даволі часта сустракаецца ў гісторыі Санкт-Пецярбурга. У розныя часы такую назву насілі, напрыклад, Клінскі праспект (1791—1857), частка вуліцы Маякоўскага (1793—1858), Сярэднегаванскі праспект (1836-1930-я), Дзягцярная вуліца (1857—1868), частка Новачаркаскага праспекта (1910—1956) і г. д.