Сяргей Анатольевіч Кізіма (1 чэрвеня 1973) — беларускі навуковец у галіне палітычных навук, сусветнай эканомікі, навейшай гісторыі, доктар палітычных навук (2010).
У цяперашні час — загадчык кафедры міжнародных адносін Акадэміі кіравання пры Прэзідэнце Рэспублікі Беларусь, эксперт Кансультацыйнага савета Інфармацыйна-аналітычнага цэнтра пры Адміністрацыі Прэзідэнта Рэспублікі Беларусь, намеснік кіраўніка секцыі знешняй палітыкі Навукова-кансультацыйнага савета Саюзнага парламента.
Аўтар больш за 70 навуковых і вучэбна-метадычных прац. Даследуе праблемы глабалізацыі, суверэнітэту, нацыяналізму, беларускую мадэль развіцця, іслам, пытанні, звязаныя з Кітаем.