Столь
.jpg)
Традыцыйнае дойлідства
У традыцыйным дойлідстве таксама называлася столя, сталяванне, суфіт, пацёс ці пакот.
Былі распаўсюджаны два віды драўлянай столі:
- Скляпеністая. Рабілася з бярвенняў, пазней з дошак у форме трапецыі ці пяцівугольніка. Амаль цалкам выціснутая да канца XIX стагоддзя.
- Гарызантальная. Падтрымлівалася адна падоўжаная балка-трам ці некалькі папярочных балак.
- Камбінаваная. У канцы XIX стагоддзя мела распаўсюджанне таксама камбінаваная столь, пераходны тып ад скляпеністай да гарызантальнай столі.
Дэкарацыя
Паколькі ў працэсе будаўніцтва не заўсёды магчыма забяспечыць роўны стык пліт (механічныя пашкоджанні пры транспартоўцы або мантажы), пасля здачы аб’екта можна назіраць няроўныя і рэльефныя выступы на паверхні столі. Для гэтай мэты выкарыстоўваюцца розныя спосабы ліквідацыі дадзеных дэфектаў.
Віды дэкарацыі столі
- Малюнак на столі дапаможа ўпрыгожыць інтэр’ер і схаваць недахопы столі і скарэктаваць візуальна памер памяшкання. Найноўшыя тэхналогіі дазваляюць упрыгожыць столь не толькі малюнкамі, а таксама і фатаграфіямі.
- Столі з 3D эфектам — пры звычайным асвятленні выглядаюць як звычайныя столі з яркім малюнкам, а пры падсвечванні BLB-лямпамі становяцца аб’ёмнымі і дазваляюць перадаць драбнюткую дэталь панарамных відаў (пейзажаў, космасу, будынкаў і т.п.). Гэты эфект забяспечваецца аб’яднаннем метаду кубічнага пакрыцця і флюарэсцэнтных пігментаў найвышэйшага разрознення.
- Скура — незвычайны і стыльны выгляд аздаблення столі. Зусім не абавязкова пакрываць скурай усю плошчу столі, можна вылучыць нейкую дэталь або зону. Пакрыццё са скуры ўяўляе сабой пліту на вінілавай аснове з арганічнай насычэннем. Пліты могуць быць разнастайных расфарбовак і фактур, у тым ліку з аўтарскім аб’ёмным цісненнем, роспісам, малюнкамі і інш.
- Драўляныя столі можна стварыць з дапамогай разнастайных відаў зыходнага матэрыялу: найпростыя панэлі, вытанчаныя паркетныя плашчакі або грубыя дошкі.
- Нацяжныя столі бываюць тканкавыя і плёнкавыя, шоўныя і бясшоўныя.
- Шкляныя палотны перасталі лічыцца непадыходным матэрыялаў для аздаблення столяў. Дызайнеры актыўна выкарыстоўваюць шкло як на падлозе, так і на столі. Магчыма, што хутка такія столевыя пакрыцці пачнуць канкураваць з нацяжнымі столямі. У аснове шкляных столяў ляжаць надзейныя і вельмі лёгкія профілі з нержавеючай сталі. Менавіта на іх і мацуюцца шкляныя палотны. Форма палотнаў можа быць цалкам рознай: квадратнай, круглай, ромбападобнай і г. д. Шкляныя палотны могуць эфектна глядзецца ў спалучэнні з лазернай гравіроўкай, устаўкамі, ілюстрацыямі, падсветкай.
Гл. таксама
Літаратура
- Беларускае народнае жыллё / [Э. Р. Сабаленка і інш.] ; рэдактар В. К. Бандарчык ; Акадэмія навук БССР, Інстытут мастацтвазнаўства, этнаграфіі і фальклору. — Мінск: Беларуская навука, 1973. — 125 с. — 2 250 экз.
Катэгорыя·Будаўнічыя элементы і канструкцыі
Катэгорыя·Інтэр’ер