Славянскі саюз у Аргенціне — пракамуністычнае аб’яднанне славян у 1941—1949 гг., якое выказвала салідарнасць і падтрымку СССР, а таксама славянскім краінам, дзе пасля Другой сусветнай вайны ўсталяваліся рэжымы, падкантрольныя Маскве. На чале славянскага руху знаходзіўся Камітэт па аб’яднанні славян (Камітэт за славянскае адзінства, а пасля Славянскі камітэт), які з’яўляўся таксама выканаўчым камітэтам з’езда аргенцінскіх славянаў. Пасля II з’езда аргенцінскіх славян у 1946 г. Славянскі камітэт, згодна з новым статутам, называўся Славянскі саюз у Аргенціне. У 1949 г. забаронены аргенцінскімі ўладамі.